As nosas recomendacións en literatura infantil e xuvenil

Per Luna Nueva Libros

Per Luna Nueva Libros

Elmer e Wilbur

DAVID MCKEE

15,00 €

Elmer contara coa axuda de Wilbur para atopar un osiño perdido nunha das anteriores aventuras deste simpático personaxe multicolor; agora é Wilbur quen necesita que o seu curmán o saque dun apuro, algo no que van colaborar de xeito entusiasta outros elefantes. Velaquí un novo relato cheo de amizade, tenrura, ledicia, empatía, solidariedade e axuda colectiva, e tamén moito humor. Porque se Elmer se caracteriza por ser traste, Wilbur é outro trangalleiro. Por iso dar con el convértese en toda unha peripecia: non está onda o tigre, nin no tobo dos coellos e tampouco é súa a imaxe que se reflicte na superficie do lago… a voz de Wilbur escóitase por todas partes, pero non hai nin rastro del a pesar de que o seu aspecto é tan chamativo como o do seu curmán.

BENXAMIN, O CACHALOTE QUE QUEIA SER GOLFIÑO

Blanca Millán i PAULA CARBALLEIRA

15,50 €

Na illa de Ons vive Benxamín, un pequeno cachalote que devece por saltar, cantar e recitar poesía. Benxamín quere ser coma os golfiños, que son os únicos que o fan. Pero, por máis que Benxamín o intenta, só a súa amiga, a tartaruga Minerva, que aínda que lle chaman boba é moi lista, o escoita e lle sorrí. Un día, Benxamín enferma de tristura, e todas as gaivotas escuras, os araos, os ratos desde as tobeiras e ata os morcegos desde as covas están moi preocupados. Coa axuda da súa amiga Minerva argallan un plan para que Benxamín volva estar alegre e contento. Unha fermosa historia para coñecer un pouco máis a fauna e a flora das Illas Atlánticas a través da historia de Benxamín, un divertido representante dos cachalotes que habitan na illa, demóstrase que se pode conseguir o que se desexa se segues os teus soños.

UN CAN

O Hematocrítico i ALBERTO VAZQUEZ

10,00 €

Moncho é un can, aínda que algúns non queiran recoñecelo. Un conto de humor sobre o dereito a ser diferente.

BEN (gall.)

CARE SANTOS TORRES

10,50 €

Hai persoas que espertan tanta fascinación como rexeitamento, que te atraen coma un imán e á vez bótante para atrás porque algo che di que é mellor apartarse delas. Esta é a historia dunha desas persoas. Chámase Ben, e se cadra xa oíches falar del. De feito, esta historia comeza nun funeral. O morto non chegaba aos 24 anos e foi asasinado. Uns tipos que o odiaban decidiron matalo a golpes. Á súa despedida só viñeron oito persoas. Que queda daqueles a quen quixemos, cando morreron? Nós. Quedamos nós. A nosa memoria, os nosos recordos. O que fagamos con eles.

O MEU IRMONO

O Hematocrítico i ALBERTO VAZQUEZ

10,00 €

Marta ten un irmán moi raro. É un mono! Un conto de humor sobre as diferentes formas de ver o mundo.

(G).AS VECES MAMA TEN TRONOS NA CABEZA.FINALISTA I PREMIO

BEATRIZ TABOADA i DANI PADRóN

15,95 €

"Ás veces mamá ten tronos na cabeza: fala moi alto e aperta os dentes. Ás veces ten nubes na cabeza: esquece preparar o xantar e chegamos tarde aos aniversarios. Outras veces ten un arco iris na cabeza: canta no coche e dáme moitos bicos. É posible que eu tamén teña tronos, nubes e un arco iris na cabeza? Un relato que nos axuda a entender as emocións e a convivir con elas."

Ernesto o elefante

ANTHONY BROWNE

15,00 €

Ernesto perdeuse na selva e ningún dos seus habitantes parece querer axudalo a volver coa súa manda de elefantes. Nin o máis forte, nin o máis fero, nin o máis veloz dos animais fai o mínimo ademán de escoitalo e trátano con desdén. Pero a máis cativa das criaturas sorpréndeo dándolle a comprensión e a colaboración que precisa.

Na cola para a Arca

ANTONIS PAPATHEODOULOU i IRIS SAMARTZI

15,00 €

«Na cola para a Arca» é unha homenaxe ao teatro en clave de humor que, a través dun cómico enredo, xoga cos dobres sentidos e co torrente de sensacións que provoca un malentendido. Tras «Unha última carta», os gañadores do IX Premio Internacional Compostela de Álbum Ilustrado, Antonis Papatheodoulou e Iris Samartzi, volven con outra lectura divertida de pouso entrañable nun atractivo formato con páxinas despregables e unha estrutura dialogada que remite ao cómic.

GRAZAS, HISTORIA DUN RUEIRO

ROCIO BONILLA

15,95 €

Grazas a unha avaría inesperada, a vida do rueiro vai mudar totalmente. Grazas á curiosidade e á empatía,os veciños e veciñas van chegar lonxe, moi lonxe. E farano xuntos. Unha historia sobre a convivencia e as relacións humanas. Unha historia sobre todos nós.

Cores no mar

Jenni Erkintalo

10,90 €

Os pinceis con cores primarias teñen unha importante tarefa. Os animais mariños necesitan unha nova capa de pintura! Que sucede cando dous cepillos chocan repentinamente entre si? O libro ilustrado de Jenni Erkintalo Cores no mar é un libro marabilloso sobre o descubrimento das cores e a diversidade. As intensas ilustracións, a alegre narración e o groso papel garanten que o libro terá moitas lecturas.

O coelliño branco

Xosé Ballesteros i OSCAR VILLAN

13,00 €

"Érase unha vez un coelliño branco. Un día foi buscar coles á horta para facer un caldiño. Cando o coelliño volveu á casa, atopou a porta pechada e petou. -Quén é? –preguntou un vozarrón desde dentro..." Na busca de axuda para reconquistar o seu fogar, ocupado pola terrible cabra cabraza, que se lle salta enriba o esmagaza, o coelliño branco levará varias sorpresas. Trátase dun texto-fórmula concebido tanto para ser lido como para ser contado, e que xoga dunha forma especial coa sonoridade e coa rima. Tamén reivindica a amizade e a coraxe como proba de que a valentía non é cuestión de tamaños.

COMO SE DI?

LAWRENCE SCHIMEL

14,00 €

Se lle tes que pedir permiso ao rei para xogar no labirinto do seu castelo, como se di? E cando os avós che traen un agasallo da súa viaxe a Exipto, como se di? Un conto cheo de imaxes fantásticas e nas que expresións como «por favor» ou «grazas» son a chave para viaxar coa imaxinación

SOÑOS GALLEGO

PERE TOBARUELA MARTíNEZ

14,00 €

Xoga coas palabras. Voa coas imaxes. Descobre o mundo dos palíndromos. Sabes o que son os palíndromos? Palíndromo vén do grego palin e dromos: volver e ir para atrás. Son, pois, esas palabras que se poden ler igualmente de esquerda a dereita ou ao revés. Este incrible conto está feitotodo el de palíndromos.

Antía e Daren

VALENTíN ALVITE i Miguel Porto Hermida

12,95 €

O xefe de policía Rigoberto Raposo leva anos agardando que se cometa un delito na tranquila vila de Uz para demostrar o seu mérito e, por fin, chega a ansiada oportunidade: a bibliotecaria Severiana Pratas denunciou o roubo duns valiosos torques. O xefe de policía xa soña cun ascenso. O que non sabe é que dous rapaces, Antía e Daren, tamén están facendo as súas propias pescudas. Resolverase o enigma dos torques roubados? Unha orixinal novela de misterio chea de retranca e desbordante humor.

Dez gatiñas viaxeiras

EVA MEJUTO i VICTOR RIVAS

12,20 €

Dez gatiñas curiosas, rebuldeiras, intrépidas, van coas súas mochilas percorrendo toda Galicia. Ata onde as levará a súa viaxe? Con base na tradición oral e un gran sentido do humor, Eva Mejuto e Víctor Rivas crean unha divertida aventura ao longo da xeografía galega, chea de ritmo e con moito que descubrir en cada páxina.

(G).EMILIA PARDO BAZAN.UNHA MENTE PODEROSA

MARIA CANOSA

16,00 €

Este libro busca achegar a todos os públicos, aínda que especialmente aos nenos, a figura polifacética de Emilia Pardo Bazán a través de momentos da súa apaixonante vida. Sorprenderanos a nena curiosa e gran lectora, a muller namorada e independente e a autora de carácter, rebelde ao rol que se esperaba de toda dama nun ambiente social e familiar privilexiado. A través da lectura, o estudo e unha capacidade de traballo infinita, conseguiu ser recoñecida no seu tempo sobrepoñéndose, en non poucos momentos, ao desdén de moitos compañeiros e académicos mentres era recoñecida, nacional e internacionalmente, por público e crítica.

A BONECA DE LUCAS

AMELIE LUIS;GRAUX ALICIA;AMAVISCA ACOSTA

15,90 €