Descripció

A cen quilómetros do Pazo Quiroga, fronte ás costas de Cabo Lázaro, os exércitos de España e Francia tentan acabar co pirata coñecido como Diaño, un desapiadado asasino rodeado por unha auréola de misterio que ninguén puido desentrañar. Só Miguel sabe quen se agocha debaixo da máscara do corsario. Por iso intentará aproveitar esa vantaxe para chegar ata el e asasinalo, para mudar así o curso da Historia e impedir os seus futuros crimes. Pero a chegada dun barco que se dirixe a Roma cámbiao todo. Porque a bordo viaxa un home que precisa atopar algo nesa vila antes de continuar a súa viaxe. E porque a adega dese barco oculta a resposta a un misterio que non empezará ata dous séculos despois. Toda viaxe ten un destino. Toda aventura ten un final.